સૌપ્રથમ બધું શાક સમારી ને ધોઈ ને કુકર માં ૩થી ૪ સીટી વગાડી લો.પછી બફાય જાય એટલે તેને એક ચાળણીમાં કાઢી લો. પછી પાણી નીતારી જાય એટલે તેને એક પ્લેટમાં કાઢી લો અને મેશર ની મદદથી મેશ કરી લો

હવે ગેસ પર એક કડાઈ મુકો પછી તેમાં તેલ રેડી દો હવે તેમાં તમાલપત્ર એડ કરો પછી તેમાં સુકી ડુંગળી અને ટામેટા,લસણ અને આદુ ની પેસ્ટ એડ કરો

હવે ડુંગળી,લસણ, ટામેટા ની પેસ્ટ બરાબર સાંતળો પછી તેમાંથી પાણી બળી જાય એટલે અને બરાબર સંતળાઈ જાય એટલે તેમાં લીલી ડુંગળી ની પેસ્ટ એડ કરો

હવે તેને પણ સાંતળો જ્યાં સુધી પાણી બળી ન જાય અને સેકાય જાય ત્યાં સુધી હવે તેમાં લાલ મરચું પાઉડર, ગરમ મસાલો, મીઠું અને પાવભાજી મસાલો એડ કરો

પછી બધું બરાબર સંતળાવા દો તેમાં તેલ છુટશે હવે તેમાં બાફી ને મેશ કરેલા શાકભાજી એડ કરો અને ૧ વાટકી પાણી રેડી દો હવે તેને ૫ થી ૧૦ મિનિટ માટે ધીમા તાપે ઉકાળો

તેમાં લીંબુનો રસ એડ કરો હવે બીજા ગેસ પર એક વઘારીયુ મુકો પછી તેમાં તેલ રેડી દો તેલ ગરમ થાય એટલે પછી ગેસ બંધ કરી તેમાં ૨ ચમચી લાલ મરચું પાઉડર એડ કરો અને તરતજ પાવભાજી વાડી કડાઈમાં એડ કરો એટલે પાવભાજી માં કલર આવશે.

હવે ૨ ચમચી બટર એડ કરો અને છેલ્લા તેમાં કોથમીર એડ કરી ગેસ બંધ કરી દો હવે એક તવા પર પાવ કાપી ને બટર લગાવી બેવ બાજુ થી સેકી લો અને એક પ્લેટમાં સર્વ કરો સાથે ઝીણી સમારેલી ડુંગળી મુકો.