સૌપ્રથમ મીઠી અને તીખી ચટણી બનાવી લેવી. મીઠી ચટણી બનાવવા માટે તૈયાર આંબલી ની પેસ્ટ, ગોળ અને પાણી ઉમેરી મિક્સ કરી ૬-૭ મિનિટ સુધી બોઇલ થવા મૂકવું. ત્યારબાદ એમાં આદું, લાલ મરચું પાઉડર, મીઠું ઉમેરી ફરીથી ૫ મિનીટ સુધી ઉકાળવું અને ગરણી માં ગાળી લેવું.

ત્યારબાદ એ મીઠી ચટણી માં વઘાર કરવા માટે એક વઘારીયું માં તેલ લઈ ગરમ થાય એટલે તેમાં જીરું વરિયાળી અને લાલ આખા મરચા ઉમેરી વઘાર તૈયાર કરવો અને એ મીઠી ચટણી માં ઉમેરવું અને મીઠી ચટણી ને ૫ મિનિટ સુધી ઉકળવા દેવું અને ગરણી માં ગાળી લેવું. તૈયાર છે મીઠી ચટણી.

લીલી ચટણી બનાવવા માટે એક મિક્સી ગ્રાઈન્ડરમાં ફુદીનો, લીલા ધાણા, સુકુ લસણ, આદુ, લીલા મરચાં, જીરુ પાઉડર, મીઠું, ખાંડ, ચાટ મસાલો, હિંગ અને પાણી જરૂરિયાત મુજબ ઉમેરી ગ્રાઇન્ડ કરી લીલી ચટણી તૈયાર કરવી.

લોટ બાંધવા માટે એક બાઉલ માં રવો, મેંદો, બેકિંગ સોડા, મીઠું અને હળદર નું પાણી ઉમેરી વધારે સોફ્ટ કે વધારે કઠણ નઈ એવો લોટ બાંધી ૧૦-૧૫ મિનિટ લોટ ને રેસ્ટ કરવા મૂકવું.

બીજી બાજુ લોટ ની અંદર નું સ્ટફિંગ બનાવવા માટે ચણા નો લોટ, લાલ મરચું પાઉડર, મીઠું, ઘી, બેકિંગ સોડા અને પાણી ઉમેરી મધ્યમ કંસિસ્ટન્સી નું સ્ટફિંગ તૈયાર કરવું.

સૌપ્રથમ બટાકા બાફીને લેવા. ત્યારબાદ કચોરી માં ભરવા(filling) માટે એક બાઉલ માં બાફેલા બટાકા, ઝીણા સમારેલા કાંદા, લીલા મરચાં, તાજા લીલા ધાણા, બ્લેક મીઠું સ્વાદાનુસાર, લીંબુ નો રસ, મરી પાઉડર બધું ઉમેરી બરાબર મિક્સ કરી તૈયાર કરવું.

આ બધું તૈયાર કર્યા બાદ એક પેણી માં તેલ લઇ ગરમ કરવું કચોરી ફ્રાય કરવા માટે. ત્યારબાદ બાંધેલો લોટ ને ફરીથી થોડું હાથ માં તેલ લગાવી ને મસળવું અને લૂઆ બનાવવા. ઉપર અટામણ નો લોટ સ્પ્રિંકલ કરવો. લૂઆ ને અંગૂઠા થી પ્રેસ કરી અંદર ચણા નાં લોટ વાળુ સ્ટફિંગ કરી ફરીથી કવર કરવું અને કચોરી ને પૂરી ની સાઇઝ માં વણી લેવી.

ફાઈનલ રાજ કચોરી માં સ્ટફિંગ કરવા માટે બટાકા નાં મિશ્રણ માં સેવ મમરા પણ ઉમેરી મિક્સ કરવું. ત્યારબાદ કચોરી માં વચ્ચે હોલ કરી અંદર બટાકા વાળુ મિશ્રણ, લીલી - લાલ ચટણી, દહીં, તીખી બૂંદી, કાંદા બધું ઉમેરવું.

ત્યારબાદ દાડમ ના દાણા, સેવ, ધાણા, ઉપર લાલ સૂકું મરચું પાઉડર સ્પ્રિંકલ કરવું. એટલે તૈયાર છે રાજસ્થાની રાજ કચોરી ચાટ.