तूर डाळ धुवून पंधरा मिनिटे भिजत ठेवा. नंतर त्यात गरजेनुसार पाणी, मीठ व हळद घालून कुकरमध्ये शिजवून घ्या.

कांदा, टोमॅटो, आले आणि लसूण बारीक चिरून घ्या. एका कढईमध्ये एक टेबल स्पून तेल गरम करा. त्यात मोहरी आणि जीऱ्याची फोडणी तयार करून घ्या. त्यात अनुक्रमे लसूण आणि आले घालून खमंग वास येईपर्यंत परता.

आता त्यात कांदा आणि टोमॅटो मऊ होईपर्यंत परता. नंतर त्यात मसाला आणि शिजवलेली डाळ घालून एकजीव करा.

आवश्यकतेनुसार पाणी, मीठ, गरम मसाला घालून छान उकळी काढा. दाल फ्राय तयार! सर्व्ह करताना लाल मिरची आणि मोहरी ची फोडणी तयार करून वरून ओता.