સૌપ્રથમ એક પેનમાં 2 ચમચી તેલ લો. અને તેમાં જીરું ઉમેરી બધા જ ખડા મસાલા ઉમેરી લો. અને લીલા મરચાં નાખી ડુંગળી સાંતળી લો. સંકળાઈ જાય ત્યારબાદ તેમાં ટામેટા ઉમેરી લો. પછી તેમાં લસણ અને કાજું ઉમેરી બરાબર મિક્ષ કરી લો

હવે તેમાં હળદર, લાલ મરચું, ધાણાજીરું અને સ્વાદ પ્રમાણે મીઠું ઉમરેવું અને મિક્ષ કરી લો. અને ઢાંકીને 5થી7 મિનિટ સુધી કુક થવા દો અને કુક થાય ત્યારે ગેસ બંધ કરી ઠંડું થવા માટે મૂકો.

ઠંડું થાય ત્યાં સુધી કોફતા બનાવી લઇએ. તો કોફતા બનાવવા માટે છીણેલી દૂધીમાથી પાણી નિતારી લો અને ½ બાઉલ ચણાનો લોટ ઉમેરી લો. અને એમાં હળદર, લાલ મરચું, ધાણાજીરું, ગરમ મસાલો, સ્વાદ પ્રમાણે મીઠું ઉમેરી બરાબર મિક્ષ કરી લો અને કોફતા બનાવી લો અને તળવા માટે તેલ ગરમ કરી લો.

હવે કોફતા તળી લેવા અને ગેસ ની સ્લો ટુ મિડીયમ આંચ પર કોફતા તળી લેવા. અને ગોલ્ડન બ્રાઉન કલર ના થાય ત્યાં સુધી તળવા. એવી જ રીતે બધા જ કોફતા તળી લેવા.

હવે ગ્રેવી પણ ઠંડી થઈ ગઈ છે અને મિક્ષર જારમાં ક્રશ કરી લો અને તે જ પેનમાં તેલ ઉમેરી લો અને એમાં જીરું અને હિંગ નાખી ગ્રેવી ઉમેરી લો.

હવે એમાં ½ ચમચી હળદર, લાલ મરચું, ધાણાજીરું, સ્વાદ પ્રમાણે મીઠું, ગરમ મસાલો ઉમેરી બરાબર મિક્ષ કરી લો. અને પાણી ઉમેરી ઢાંકીને તેલ છૂટું પડે ત્યાં સુધી ગ્રેવીને કુક થવા દો.

કુક થાય ત્યારબાદ ગેસ બંધ કરી લો અને સર્વ કરી લો. ઉપરથી કોફતા અને કોથમીર ફ્રેશ ક્રીમ ઉમેરી લો. તો ખૂબ જ ટેસ્ટી દૂધીના કોફતા ની સબ્જી રેડી છે.