اول حاجه هنجيب حله نحط فيها كميةزيت نحمر الشعيريه وننزل بالارز مغسول وبعدين نديهم تقليبه بعد كده هننزل عليها المعكرونة الاسباجتي مكسرها والعقل نحطها زي ما هي ونقلب كويس جداً ونحط ملح وفلفل اسود بسيط وبعد كده بنحط لهم ميه مغلية وبنسيبهم يستوي زي الرز العادي دي اول خطوه

هنسلق العدس وهنقلبه في شويه زيت وملح وفلفل وكزبره ناشفة وكمون ونسيبه على جنب وحته ثوم مهروسه

هنقطع البصل جوليان وهنحط له خل وملح وندعكه ونحمروه في الزيت ونسيبه على جنب

هنيجي للصلصه الثوم مع الفلفل الاخضر مع ملح وكزبره ومحمر الثوم في الزيت وبعد كده هنطشه بمعلقه خل انا نسيت اكتبها في المقادير بس هنحط ملعقة خل على الثوم وبعد كده ننزل عليه الطماطم المعصوره لما تتسبك كده جهزت بنحط لها التوابل بتاعتها

هنيجي للدقه هنحط شويه ثوم من المهروس عليه حبةخل وحوالي نصف كوب ميه ونحط لهم ال التوابل بتاعهم او الملح بتاعهم وبعد كده بنقلبها وبنسبها على جنب نيجي للشطه بناخذ ملعقة من الصلصه وبنزود لها كميةمن الشطه وبنحط لها حبةمن الثوم المهروس وشويه ميه وبنسيبها تغلي على النار عشان الشطه تدخل فيها وتبقى طعمها حلو وبنزبط الملح بتاعهم بتاعها

كده كل حاجه اصبحت جاهزة هنحط اول طبقة الكشري اللي في الحله اللي هو يحتوي على المعكرونة والارز والشعريه هنحط من تحت وبعد كده هنحط كميةالصلصه وبعد كده هنحط شويه من العدس بعد كده هنحط شويه من البصل وبيتقدم جنب الشطه والدقه او عيش محمص لو حبيته جنب الشطه والدقه او عيش محمص لو حبيته والف هنا وشفاء