میرا نام صبا بٹ ہے بچپن سے اچھا لکھنے پڑھنے کھانے اور سیکھنے کی دلدادہ ہوں❤ میں بچپن میں ٹام اینڈ جیری کے ساتھ ساتھ کوکنگ کے پروگرام بھی اتنے ہی شوق سے دیکھتی تھی اورنتیجتاً آج مجھے سب ہوم شیف کہتے ہیں😇😂 آپ کے ساتھ مل کے ریسٹورنٹ کھولنا ہے یا ریسٹورنٹ کھول لیں اور کزنز کہتے ہیں سیل کروانا ہمارا کام ہے تم بس بنا کے ہمیں دے دینا 😂 خوشی ماپنے کا کوئی پیمانہ تو ایجاد نہیں ہوا بے حد حساس ہوں اس لئے چھوٹی چھوٹی باتوں پہ خوش اور نادیدہ دکھوں پہ گھنٹوں رنجور رہتی ہوں شاعری سیکھنے کا شوق بھی پورا ہوا اللہ نے اندر صلاحیت رکھی تھی یوں میں شاعرہ بھی بن گئی 🌸آج کل کوکنگ چینل اور کاغذ قلم سے دوستی ہے لیکن میری پہلی ترجیح اپنے ابو کی تیمارداری ان کی صحت ہے ❤ خواب یہ ہے کہ کسی پرسکون دل نشیں شمالی علاقے میں اپنا ایک چھوٹا سا رسیتوران یا کیفے+لائبریری بناؤں جہاں میرے جسیے کھانے اور کتاب کے دیوانے افراد لطف اندوز ہو سکیں انشااللہ ❤ خواتین کے عالمی دن کے موقع پر میری غزل سماعت فرمائیں

جیتی بازی میں مات کھاتی ہیں
بیٹیاں پگڑیاں بچاتی ہیں

دل کو پیروں تلے مسل کر یہ
باپ بھائی کا سر اُٹھاتی ہیں

خلوتیں آنسوؤں کی شاہد ہیں
محفلوں میں یہ کھلکھلاتی ہیں

بھیگ جاتا ہے شب میں جو تکیہ
سسکیوں سے اسے سکھاتی ہیں

دل کی دنیا اجاڑ کر دیکھو
گھر کسی اور کے بساتی ہیں

ٹوٹے سپنوں کی کرچیاں چن کر
عزتوں کے محل بناتی ہیں

دل کے ناسور سے ٹپکتا خوں
مل کے ہاتھوں حنا سجاتی ہیں

خواب ان کو جگائے رکھتے ہیں
یہ تھپک کر انہیں سلاتی ہیں

اپنے ابو کی شاہ زادی ہیں
باپ کو بادشہ بناتی ہیں

بیٹے وارث ہیں جائیدادوں کے
بیٹیاں جنتیں کماتی ہیں

سب کہیں بیٹیاں صبا تجھ سی
بھاگ والوں کے ہاں ہی آتی ہیں

صبا بٹ
#iamspecial