Farko dai ki wanke shinkafar ki sai ki tsaneta a kwando ta bushe.

Idan ta bushe sai ki Kai inji a barzo miki ita.

Idan an barzo sai ki samu tukunya ki zuba ruwa aciki,sai ki samu madambaci(abun yin dambu)ki like bakin da kuka ko gari saboda kar yasha iska.

Sai ki dauko shinkafarki da aka barza ki yayyafa mata ruwa ba sosai ba,sai ki zuba acikin abun dambunnan da kika like da tukunya ki daura akan murhu.

Daganan sai ki koma kan kayan miyanki ki gyarasu ki da jajjaga su,albasan ki kuma ki yanka ta da alayyahu,sannan kuma ki daka gyadar ki.

Bayan Nan ki bare maggin ki ko ki daka shi yazama gari da curry da thyme.

Sai ki duba shinkafarki ko tayi,idanma yayi zakiji yana kamshi.

Sai ki sauke ki juye a babban roba ki zuba duk kayan hadin ki aciki ki cakuda ya hade sosai.

Kina juyawa kina Dan yayyafa mishi ruwa sannan ki maida kan murhu.

Idan ya dahu nanma Zaki ji yana kamshi sai ki sauke ki soya man gyadar ki, ki zuba akai sai aci