Ki wanke alaiyahu ki yanka ki ajiye a gefe hade da albasa,sai ki jajjaga kayan miyan ki shima ki ajiye a gefe.

Ki sa tukunya a wuta ki zuba manja d yar albasa ya soyu,sai ki zuba kayan miyan da kika jajjaga.

Idan kayan miyan ya fara soyuwa sai kisa su maggi, gishiri da spices.

Sai ki dauko gasasshen kifin ki babbare shi ki cire kayar ki zuba a kan kayan miyan ki cigaba da soyawa.

Idan kayan miyan ya soyu sai ki dauko alaiyahun da kika yanka da albasa ki zuba a cikin kayan miyan sai ki rufe tukunyar.

Bayan minti 5 sai ki bude ki jujjuya miyar ki har sai alaiyahun ya hade da kayan miya(ba a sa ruwa,ruwan da ke jikin alaiyahu ya isa).

Ki kara rufewa ki bashi minti 5 zuwa 8 sai ki sauke tunkunya...miyar alaiyahun ki ta yi sai ci da shinkafa,taliya ko doya da sauran su