સૌપ્રથમ દૂધ ગરમ કરવા મૂકો અને ઉભરો આવે એટલે તેમાં લીંબુનો રસ નાખી તેનું પનીર તૈયાર કરો. પનીરને એકદમ મસળીને સોફ્ટ બનાવો પછી તેનો ગોળો વાળી વચ્ચે ગુલકંદ અને ડ્રાય ફ્રુટ નું મિશ્રણ ભરી અને ગોળો વાળી રસમલાઈ તૈયાર કરો. એક તપેલીમાં ચાસણી માટે અડધી ખાંડ લેવી ત્યારબાદ તેમાં પાણી ઉમેરી પાતળી ચાસણી બનાવવી પછી એમાં જે રસ મલાઈ બનાવી છે તે ચાસણી ઉકળે એટલે તેમાં નાખવી, પાંચ મિનિટ ઊકળવા દેવું, પછી રસમલાઈ ઉપર આવે ફૂલીને ડબલ થઈ જાય એટલે ગેસ બંધ કરી દેવો અને પછી ઢાંકીને રાખી મૂકો.

ત્યારબાદ એક તપેલીમાં બાકીનું દૂધ ગરમ કરવા મૂકવું, તેને ઉકળવા દેવું અને તેમાં કેસર અને ખાંડ નાખવી પછી એકદમ ઘટ થઈ જાય એટલે ગેસ બંધ કરી દેવો અને તેને ઠંડુ થવા દેવું.

હવે ગાર્નિશિંગ માટે એક બાઉલમાં જે રબડી બનાવી છે તે લેવાની તેની અંદર રસમલાઈ છે તે ચાસણીમાંથી નીતારીને મૂકવી. ડ્રાયફ્રુટ થી ગાર્નિશિંગ કરો અને ફ્રીજમાં ઠંડી થવા મૂકી દેવી. તો તૈયાર છે શાહી રસમલાઈ...