ஒரு பாத்திரத்தில் நான்கு பக்கப் அரிசி மாவு எடுத்துக் கொள்ளவும், அதில் தேவைக்கேற்ப உப்பு மற்றும் ஒரு குழிக்கரண்டி எண்ணெய் சேர்த்து, வெந்நீர் விட்டு நன்கு பிசையவும். இந்த மாவு சப்பாத்தி மாவு போன்று மிருதுவாக ஆகும் வரை நன்கு பிசைந்து எடுக்கவும்.

இந்த மாவை இடியாப்ப குழலில் இட்டு, இட்லி பாத்திரத்தில் இடியாப்பம் தட்டில் வேக வைக்கவும்.

10 நிமிடம் வேக வைத்து எடுத்தால் நம் இடியாப்பம் தயார்.

கோழி குருமா செய்ய: ஒரு குக்கரில் எண்ணெய் சூடாக்கி அதில் பட்டை, லவங்கம், கருவேப்பிலை மற்றும் வெங்காயம் சேர்த்து நன்கு வதக்கவும். வெங்காயம் நிறம் மாறியதும் இஞ்சி பூண்டு விழுது சேர்த்து பச்சை வாசனை போகும் வரை வதக்கவும். தக்காளி மற்றும் தேவைக்கேற்ப உப்பு சேர்த்து நன்கு வதக்கவும். மிளகாய்த்தூள், தனியாத்தூள், கரம் மசாலா மற்றும் சிக்கன் மசாலா தூள் சேர்த்து நன்கு வதக்கவும்.

கோழி இறைச்சியை சேர்த்து நன்கு வதக்கவும். ஒரு கப் தண்ணீர் சேர்த்து 3 விசில் வேகும்வரை விடவும். மிக்ஸி ஜாரில் துருவிய தேங்காய், முந்திரி, சோம்பு, மிளகு மற்றும் சேர்த்து சிறிது தண்ணீர் சேர்த்து விழுதாக அரைக்கவும்.

குக்கரில் இருக்கும் குழம்போடு இந்த அரைத்த தேங்காய் விழுதை சேர்த்துக் கொதிக்கவிடவும். குழம்பு நன்றாக கெட்டி பதத்திற்கு வந்தபிறகு கொத்தமல்லி தூவி பரிமாறவும். இந்த இடியாப்பத்தை தேங்காய் பாலுடனும் சுவைக்கலாம்