બટેટાની છાલ કાઢી ખમણી લો અને ૧૦ મિનિટ સુધી એક વાસણમાં ઠંડું પાણી લઇ પલાળી રાખો. પછી એ છીણ માંથી પાણી કાઢી લઇ ચાળણીમાં રાખો. ત્યાર પછી કોનૅફલૉર અને મીઠું ને છીણમાં નાખી મિક્સ કરી લો.

અેક સ્ટીલની ગળણી લો. તેના પર છીણને વાડકી જેવા આકારમાં ગોઠવો અને બીજી ગળણીને તેની ઉપર ગોઠવવી જેથી છીણ તળવા સમયે છૂટું ના પડે. તેલને કોઇ વાસણમાં લઇ ગરમ કરો અને કટોરીને એક એક કરીને તળી લો.

સ્ટફિંગ માટે મગ, મઠ અને ચણાને ૭ થી ૮ કલાક પાણીમાં પલાળી રાખો. પછી એમાંથી પાણી કાઢી કપડામાં મગ અને મઠના ફણગા ફૂટવા માટે બાંધવા. પછી ચણા અને બટેટાને બાફી લેવા.

એક વાસણમાં તેલ મૂકી તજ, લવિંગ અને તમાલપત્રનો વધાર કરી કઠોળને સાંતળી લો. ત્યાર પછી બટેટું, ડુંગળી તેમજ ટમેટાં ને પણ સમારી લો.

એક વાસણમાં કઠોળ, સમારેલા ડુંગળી ટમેટા અને બટેટા, છીણેલું બીટ અને ગાજર, સીંગદાણા, સેવ, લીંબુનો રસ, ગરમ મસાલો, ચાટ મસાલો, મરી પાઉડર, મીઠું અને ત્રણેય ચટણી સ્વાદાનુસાર લઇ મિક્સ કરી લો. આ સ્ટફિંગને કટોરીમાં ભરી સોસ અને ચીઝ વડે સજાવટ કરી સવૅ કરી લો. તૈયાર છે ચટપટી અેવી આલુ કટોરી ચાટ.