સૌપ્રથમ એક બાઉલમાં ૧ વાટકી સાબુદાણાને લઈ પાણીથી વોશ કરી અને અડધી વાટકી પાણી ઉમેરો. સાબુદાણા ડુબે તેના કરતા ઓછું પાણી રાખવું. હવે સાબુદાણાને overnight પલાળી રાખવા. 8/10 કલાક પલાળી રાખવાથી સાબુદાણા એકદમ છુટા બનશે.

હવે પલાળેલા સાબુદાણા એકદમ સરસ છુટ્ટા બની ગયા છે. એક પેનમાં 3 ચમચા તેલ લઈ ગેસ પર ગરમ કરવું ત્યારબાદ તેમાં જીરૂ ઉમેરો.

તેમાં લીલું મરચું ઉમેરો અને બાફેલા બટાકા ઉમેરવા. ધીમા થી મીડીયમ ગેસ પર બે મિનીટ સુધી બટાકા ને સાંતળી લેવા.

ત્યારબાદ તેમાં મસાલા કરવાના સૌપ્રથમ સ્વાદ અનુસાર મીઠું, અડધી ચમચી મરી પાવડર ૧ ચમચી લાલ મરચું પાવડર અને અડધી ચમચી લીંબુનો રસ ઉમેરો.

હવે તેમાં એક ચમચી સીંગદાણાનો ભૂકો અને સાબુદાણા ઉમેરી બધું મિક્સ કરી એક મિનિટ સુધી કુક કરી લો. હવે ગેસની flame off કરી. સર્વિંગ બાઉલ લઇ તેમાં સાબુદાણાની ખીચડી ઉમેરી તેના પર ફરાળી ચેવડો અને કોથમીરથી ગાર્નિશ કરો. તૈયાર છે સાબુદાણા ખીચડી.