4 பச்சை மிளகாய், 1 டேபிள் ஸ்பூன் இஞ்சி பூண்டு விழுது 1 கைப்பிடி கொத்தமல்லி தழை, 1 கைப்பிடி புதினா தழை சிறிது கருவேப்பிலையை எடுத்து வைக்கவும். 2 பெரிய வெங்காயம் தோல் நீக்கி கழுவி நீளவாக்கில் நறுக்கி வைக்கவும். தக்காளி-2 கழுவி நீளவாக்கில் நறுக்கி வைக்கவும். 1 டீஸ்பூன் சோம்பு கிராம்பு 2, ஏலக்காய் 2,
2 துண்டு பட்டை எடுத்து வைக்கவும்.

மிக்ஸி ஜாரில் 1 மூடி துருவிய தேங்காய் 1 கைப்பிடி உடைத்த முந்திரி பருப்பு, 1 டீஸ்பூன் கசகசா சேர்த்து நைசாக அரைத்து வைக்கவும். கடாயில் 4 டேபிள்ஸ்பூன் ஆயில் விட்டு கிராம்பு-2,பட்டை 2 துண்டு, 1டீஸ்பூன் சோம்பு,2 ஏலக்காய் தாளிக்கவும்.

அதில் நறுக்கி வைத்த 1 கைப்பிடி கொத்தமல்லித்தழை, 1 கைப்பிடி புதினா இலை, கறிவேப்பிலை சிறிது இஞ்சி பூண்டு விழுது 1 டேபிள் ஸ்பூன் சேர்த்து பச்சை வாசனை நீங்க வதக்கவும். நறுக்கிய வெங்காயத்தை சேர்த்து நன்கு வதக்கவும். நறுக்கிய தக்காளியை சேர்த்து உப்பு சேர்த்து தக்காளி கரையும் வரை வதக்கவும்.

சிறிது தண்ணீர் விட்டு 2 டீஸ்பூன் தனியாத்தூள்,1 டீஸ்பூன் மிளகாய்த்தூள் 1 டீஸ்பூன் கரம்மசாலா சேர்த்து வதக்கவும்.

தண்ணீர் 1 கப் விட்டு நன்கு கொதிக்க விடவும்.மசாலா பச்சை வாசனை
நீங்கியவுடன் 1 டேபிள் ஸ்பூன் அளவு கடலை மாவை சிறிது தண்ணீர் விட்டு கரைத்து சேர்த்து கொதிக்க விடவும்.

நன்கு கலக்கிவிட்டு 2 நிமிடம் கொதிக்கவிட்டு கெட்டியானவுடன் மேலும் 1 கப் தண்ணீர் விட்டு 3 நிமிடம் கொதிக்க விடவும்.

கொதித்து கெட்டியானவுடன் அதில் தேங்காய் முந்திரி கசகசா அரைத்த விழுதை சேர்த்து நன்கு கலக்கி விடவும்.

தண்ணீர் 1 கப் விட்டு தேவை என்றால் உப்பு சேர்த்து தட்டு போட்டு மூடி கொதிக்க விடவும்.அடிக்கடி திறந்து கிளறிவிடவும்.

அடுப்பை சிம்மில் வைத்து 20 முதல் 30 நிமிடங்கள் வரை இதை கொதிக்க விட்டு அடிக்கடி கிளறி,ஊற்றிய எண்ணெய் மேலே மிதக்கும் வரை கொதிக்க விடவும்.சுவையான சால்னா ரெடி😋😋

சுட்டு வைத்த பரோட்டாவை பிச்சு போட்டு அதன் மேலே 4 கரண்டி சால்னாவை ஊற்றி ஊறவைத்து சாப்பிட்டால் அடடா சுவையோ சூப்பர்.