સૌપ્રથમ રોટલીને ૫ મિનિટ પંખા નીચે મૂકીને સૂકવી લેવી.ત્યારબાદ રોટલીના ટુકડા કરી મિકસર જાળમાં લઈ તેને દળી લેવી.ત્યારબાદ તે રોટલીના મિશ્રણમાં રવો અને છાશ/દહીં ઉમેરી તેને બરાબર મિક્સ કરી ખીરું તૈયાર કરી લેવું.ત્યારબાદ તે ખીરાને ૧૫-૨૦ મિનિટ ઢાંકીને સાઇડમાં મૂકી દેવું. ૧૫-૨૦ મિનિટ બાદ તેમાં હળદર,આદુ-લસણ-મરચાંની પેસ્ટ,મીઠું બધું ઉમેરી તેને બરાબર મિક્સ કરી લેવું.જો ખીરું ઘટ્ટ લાગે તો જરૂરીયાત મુજબ પાણી ઉમેરવું.

ત્યારબાદ સ્ટીમરમાં ગરમ પાણી ઉમેરી સ્ટીમરને ગરમ કરવા મૂકી દેવું.ત્યારબાદ ઢોકળાની ડીશમાં તેલ લગાવી લઈ તૈયાર કરેલ ખીરામાં ઈનો/મીઠો સોડા ઉમેરી તેને બરાબર હલાવી લેવું.ત્યારબાદ ખીરાને ઢોકળાની ડીશમાં પાથરી ઉપર લાલ મરચું પાઉડર ભભરાવી તે ડીશને સ્ટીમરમાં મૂકી દેવી. ૨૦ મિનિટ પછી તેને ચપ્પુ અથવા ટૂથસ્ટીક નાંખીને ચેક કરી લેવું જો ચપ્પુ અથવા ટૂથસ્ટીક એકદમ સાફ બહાર આવશે તો તમારા ઢોકળા તૈયાર છે.