સૌપ્રથમ રવો, દહીં,મીઠું, ચપટી સોડા અને જરૂર મુજબ પાણી નાખીને ખીરું તૈયાર કરો લો. પછી તેમાં ઝીણા કાપેલાં મરચાં ઉમેરો. હવે સ્ટીમરમાં અથવા ઢોકળીયામાં એક થાળીમાં તેલ લગાવીને ગરમ કરવા મૂકી દો.

ઢોકળિયામાં પાણી ગરમ થઈ જાય પછી ખીરામાં ઇનો નાખીને પેલા હલાવી નાખો.હવે તરત જ આ ખીરાને તેલ લગાવીને રાખેલી ગરમ થાળીમાં ઉમેરો.

ઢોકળીયા અથવા સ્ટીમર પર ઢાંકણું ઢાંકીને તેને ૧૦ થી ૧૨ મિનીટ સુધી પાકવા દો. બાર મિનિટ પછી ઢોકળા બની ગયા છે હવે તેનો વઘાર કરશું. એક વઘારીયા માં તેલ મૂકી તેમાં રાઈ, મીઠો લીમડો અને લીલા મરચાં નાખીને તેનો વઘાર તૈયાર કરો અને આ વઘારને ઢોકળાં ની થાળીમાં ઉપર નાખો.

હવે આ ઢોકળાની થાળીમાં કોથમીરથી સજાઓ અને ઠંડા અથવા ગરમ પીરસો. રવાના ઢોકળા બનીને તૈયાર છે ખાવા માટે.

રવાના ઢોકળાં ને લીલા ધાણા અથવા કોથમીર ફુદીનાની ચટણી સાથે પીરસો.