कढई मधे आधी रवा कोरडाच भाजून मग त्यात तूप घालून खमंग भाजून घ्यावा. म्हणजे रवा लवकर भाजला जातो.

भाजलेल्या रव्यामधे कडकडीत केलेले दूध हळूहळू घालत रवा ढवळत रहावा म्हणजे रव्याचा गोळा होणार नाही, गरम दूधामुळे रवा मोकळा शिजेल. कढईवर झाकण ठेवून रवा शिजवून घ्यावा.

शिजलेल्या रव्यामधे केशर घातलेलं दूध घालून मिक्स करावे. मग साखर घालून ढवळून झाकण ठेवून वाफ आणावी. आणि शिरा बनवून घ्यावा.

मोदकाच्या साच्याला आतून तूप लावून साचा बंद करुन त्यात शिरा दाबून भरावा. आणि साचा अलगद उघडावा. सुंदर आणि सुबक असे शिरा मोदक छानच दिसतात.

एका प्लेटमधे नैवेद्यासाठी बनवलेले शिरा मोदक ठेवून त्या मोदकांना केशराची काडी लावली. मोदकांच्या आजूबाजूला काजू बदामाचे काप घातले आणि गणपती बाप्पांना सात्त्विक शिरा मोदकांचा नैवेद्य दाखवला.