कढई मधे रवा घालून मंद गॅसवर थोडावेळ भाजून घ्यावा. मग त्यात साजूक तूप घालून चांगला भाजावा.

रवा भाजल्यावर थोडा ब्राऊन रंग आल्यावर त्यात गरम केलेलं दूध घालून चांगले मिक्स करुन थोडावेळ झाकून रवा शिजवून घ्यावा.

शिजलेल्या रव्यामधे साखर घालून ती वितळेपर्यंत परत झाकण ठेवून वाफ काढावी. आणि शिरा शिजवून घ्यावा.

एका आंब्याच्या फोडी करुन त्या मिक्सर मधे घालून चांगली प्युरी करावी.

मॅंगोची प्युरी शिर्‍यामधे चांगली मिक्स करुन एक वाफ काढावी.

मोदक साच्याला तूप लावून त्यात मॅंगो शिरा भरुन मोदकाच्या आकाराचे मॅंगो शिरा मोदक करुन घ्यावे आणि त्या मोदकांना वर केशराची काडी लावावी.

एका प्लेटमधे मॅंगो शिरा मोदक ठेवले आणि त्याबरोबर एक मूद साधा शिरा ठेवून, त्यावर आंब्याच्या फोडी ठेवून त्यावर केशर काड्या घालून, बाजूला सगळीकडे बदाम आणि काजूचे बारीक केलेले तुकडे ठेवून मॅंगो मोदक शिर्‍याचा देवाला नैवेद्य दाखवला.