રેસિપી:-

એક પહોળા નૉન-સ્ટીક પૅનમાં માખણ ગરમ કરી, તેમાં મેંદો મેળવી મધ્યમ તાપ પર ૩૦ સેકંડ સુધી સતત હલાવતા રહી રાંધી લો.
તે પછી તેમાં દૂધ, ૧/૨ કપ પાણી, ચીઝ, મીઠું અને મરીનું પાઉડર મેળવી, સારી રીતે મિક્સ કરી મધ્યમ તાપ પર ૨ મિનિટ સુધી સતત હલાવતા રહી રાંધી લો.
આ ચીઝ સૉસના બે સરખા ભાગ પાડી બાજુ પર રાખો.

વેજીટેબલ ટોપીંગ માટે
એક પહોળા નૉન-સ્ટીક પૅનમાં માખણ ગરમ કરી, તેમાં શાકભાજી મેળવી મધ્યમ તાપ પર ૨ થી ૩ મિનિટ સુધી સાંતળી લો.
પછી તેમાં મીઠું અને મરીનું પાઉડર મેળવી સારી રીતે મિક્સ કરી લો.

આ વેજીટેબલ ટોપીંગના બે સરખા ભાગ પાડી બાજુ પર રાખો.

આગળની રીત
પીઝાના ૧ રોટલાને સાફ-સૂકી જગ્યા પર રાખી તેની પર ચીઝ સૉસનો એક ભાગ પાથરી ઉપર વેજીટેબલ ટોપીંગનો એક ભાગ સરખી રીતે પાથરી લો.
તે પછી તેની પર ૧/૪ કપ પીઝા સૉસ સરખી રીતે પાથરી છેલ્લે તેની પર ૧/૪ કપ ચીઝ છાંટી લો.
રીત ક્રમાંક ૧ અને ૨ મુજબ બીજો પીઝા પણ તૈયાર કરી લો.

આ બન્ને પીઝાને ગ્રીઝ કરેલી ઑવનની ટ્રે પર મૂકી આગળથી ગરમ કરેલા ઑવનમાં २००° સે (४००° ફે) તાપમાન પર ૧૦ થી ૧૨ મિનિટ સુધી અથવા પીઝા રોટલા સરખી રીતે બ્રાઉન થઇ તેની પરનું ચીઝ પીગળી જાય ત્યાં સુધી બેક કરી લો.
તેના સરખી રીતે ત્રિકોણાકાર ટુકડા પાડી તરત જ પીરસો.