પરાઠા નો ડોહ તૈયાર કરવા માટે એક મોટા વાસણમાં ઘઉંનો લોટ લઇને તેમાં તેલ અને સ્વાદ અનુસાર મીઠુ ઉમેરી પાણી વડે રોટલી જેવો કુણો લોટ બાંધવાનો છે. આ લોટને ઢાંકીને સાઈડ પર રાખી દેવાનો છે.

સ્ટફિંગ તૈયાર કરવા માટે એક બાઉલમાં સમારેલા કેપ્સિકમ, સમારેલી ડુંગળી, ખમણેલું ગાજર અને બાફેલી મકાઈના દાણા ઉમેરવાના છે.

તેમા ઓલીવના ટુકડા, પનીરના ટુકડા અને ખમણેલું ચીઝ ઉમેરવાનું છે.

તેમાં રેડ ચીલી ફ્લેક્સ, ગ્રીન હર્બ, ઓરેગાનો અને સ્વાદ અનુસાર મીઠું ઉમેરવાના છે.

બધુ બરાબર રીતે મિક્સ કરી લેવાનું છે.

હવે તેમાં પીઝા સોસ ઉમેરવાનો છે. અને બધું બરાબર રીતે મિક્સ કરી લેવાનું છે. અહીંયા આપણુ પીઝા પરાઠા માટેનું સ્ટફિંગ તૈયાર થઈ જશે જેને સાઈડ પર રાખી દેવાનું છે

તૈયાર કરેલા ડોહ માંથી બોલ બનાવી તેમાથી મોટી રોટલી જેવું ગોળ વણી લેવાનું છે. આ રીતે એક સરખા માપની બે રોટલી તૈયાર કરી લેવાની છે.

હવે એક પળ પર તૈયાર કરેલું સ્ટફિંગ પાથરવાનું છે અને તેના પર બીજું પળ મૂકીને તેની કોર પર થોડું પાણી લગાવી આંગળા વડે બંને પળને દબાવીને ચોટાળી દેવાના છે.

ગેસ પર એક લોઢી ગરમ મૂકી તેના પર થોડું તેલ કે ઘી લગાવી તૈયાર કરેલા પરાઠાની બંને સાઇડ ને શેકવાની છે. જેથી આપણા પીઝા પરાઠા તૈયાર થઈ જશે.

મેં પીઝા પરાઠાને આ રીતે પીઝા ની જેમ કટ કરીને સર્વ કર્યા છે.