सर्व साहित्य एकत्र घेणे. साखरे बरोबर दालचिनी, वेलची, जायफळ ही बारीक करून घ्यायचे किंवा व्हॅनिला इसेन्स ही वापरू शकता.

एका मोठ्या भांड्यामध्ये दही, पिठीसाखर, तेल आणि दूध सर्व एकजीव होईपर्यंत व्हीस्कर च्या साह्याने फेटुन घ्यायचे.

सुखे पदार्थ चाळून घ्यायचे सुखे पदार्थांमध्ये गव्हाचे पीठ, बेकिंग पावडर, बेकिंग सोडा आणि मीठ एकत्र चाळुन घ्यायचे.

त्यामध्ये गाजराचा कीस घालून तेही नीट मिक्स करून घ्यायचे.

ज्या भांड्यात केक करायचा आहे त्या भांड्याला थोडेसे तेल आणि गव्हाचे पीठ लावून घ्यायचे त्यामुळे केक तयार झाल्यावर लवकर बाहेर निघतो त्यानंतर केकचे मिश्रण त्या भांड्यामध्ये ओतायचे.त्या भांड्याला दोनदा टाईप करायचे त्यामुळे त्यातील हवेचे बबल्स निघून जातात व केक हलका होतो. कढईमध्ये केक बेक करायला तीस मिनिटे ठेवायचा. किंवा हा केक तुम्ही ओव्हन मध्येही 180 डिग्री सेल्सिअसवर तीस मिनिटे बेक करू शकता.

तीस मिनिटांनी केक बेक झाला का हे टूथपिक घालून बघायचे जर मिश्रण टूथपिक ला लागत असेल तर अजून पाच मिनिट केक बेक करून घ्यायचा. केक पूर्ण थंड झाल्यावर त्याला भांड्यातून सुरीने त्याच्या कडा सोडवून बाहेर काढायचे. आपला खूपच सॉफ्ट आणि स्पोंजी पण तेवढाच टेस्टी गाजर व्हीट केक तयार आहे एकदा खाल तर खातच रहाल इतका तो मस्त होतो.