प्रथम चिवड्याची पूर्वतयारी करून घेणे. खोबरे काप करून घेणे. मिरचीचे बारीक तुकडे करणे. शेंगदाणे भाजून त्याचे साली काढून घेणे.कढीपत्ता आणि डाळे घेणे. हे सर्व एका प्लेट मध्ये घेणे. नंतर चिवड्यासाठी लागणारे मसाले एका प्लेट मध्ये काढणे. त्यात लालतिखट, हळद, हिंग, मीठ, मोहरी, धने पूड, जीरे पूड आणि पिठी साखर.

नंतर एक मोठे पातेले गॅस वर गरम करण्यासाठी ठेवावे. पातेले गरम झाले कि त्यात तेल घालावे. तेल तापले कि त्यात मोहरी घालून घेणे. मोहरी तडतडली कि त्यात मिरचीचे तुकडे व कढीपत्ता घालून 2 -3 मिनिटे खरपूस तळून घेणे. नंतर त्यात खोबरे काप घालून ते सोनेरी रंग होईपर्यंत परतणे.

खोबरे परतून झाले कि त्यातच लगेचच डाळे आणि शेंगदाणे घालून 2-3 मिनिटे परतणे. हे सगळे घटक छान परतून झाले कि त्यात हळद, हिंग, धने पूड, जीरे पूड, तीळ आणि मीठ घालून घेणे. हे मसाले छान 2 मिनिट परतून घेणे.

नंतर त्यात भाजलेले पोहे घालून सगळे मिश्रण एकसारखे हलवून घेणे. गॅस बारीक करून हे पातेले 5 मिनिटे गॅस वर ठेवून एकसारखे हलवत राहावे. नंतर गॅस बंद करून वरून चवीनुसार आणि आवडीनुसार पिठी साखर घालून तो चिवडा पुन्हा एकदा हलवून घेणे. अशाप्रकारे खमंग आणि खुसखुशीत चिवडा तयार झाला.

मस्त खुसखशीत चिवडा तयार होतो.