सर्वप्रथम हिरव्या पातीचा कांदा व हिरव्या पातीचा लसूण स्वच्छ धुऊन घ्यावे. सोबतच पालक तीन ते चार पाण्यात धुऊन घ्यावे व एका गंजात पाच मिनिटे उकळायला ठेवावे. चिकन स्वच्छ धुवून घ्यावे व दही मध्ये मॅरिनेट करून पाच ते दहा मिनिटे ठेवावे.

मिक्सर चा पाॅट मध्ये पातीचा कांदा, पातीचा लसूण व उकळलेला पालक आणि मिरच्या एकत्र पेस्ट करून घ्यावी.

गॅस वर कुकिंग पॅन ठेवावे व त्यात तेल घालावे. तेल तापल्यावर त्यात हिरवी पेस्ट घालावी. पेस्ट पाच ते दहा मिनिटे हलवत राहावे व शिजू द्यावे. पाच ते दहा मिनिटानंतर त्यात सावजी चिकन मसाला व धणेपूड घालावी. दोन ते तीन मिनिट परत हलवत राहावे.

या शिजलेल्या पेस्ट मध्ये मीठ घालावे.मीठ मिक्स केल्यानंतर त्यात चिकन दही सोबत घालावे. चिकन व ग्रेव्ही व्यवस्थित मिक्स करून घ्यावे व पॅन झाकून ठेवावे. दहा ते पंधरा मिनिटे चिकन शिजू द्यावे.