હવે એક પેનમાં તેલ લઇ તેમાં રાઈ, હિંગ ઉમેરો. પછી રાઈ તતડે એટલે તેમાં કાચી શીંગ ઉમેરી જરા વાર સાંતળવા દેવું. પછી તેમાં લીમડો,ઝીણા સમારેલા લીલા મરચા,ઝીણી સમારેલી ફણસી, ઝીણું સમારેલું ગાજર, દાળિયા, ઝીણી સમારેલી લીલી ડુંગળી ઉમેરી બધા શાક બરાબર બફાઈ જાય ત્યાં સુધી ધીમા તાપે થવા દેવું. પછી તેમાં બાફેલી રાઈસ વર્મેસીલી, હળદર,મીઠું ઉમેરો.

હવે બધું બરાબર મિક્સ કરી બે મિનિટ ગેસ પર રહેવા દેવું. પછી તેના કોથમીર ઉમેરી હલાવી નાખો. આપણી રાઈસ વર્મેસીલી વેજિટેબલ ઉપમા તૈયાર થઈ ગઈ. હવે તેને સર્વિંગ બાઉલમાં લઈ ગરમાગરમ ખાવાનો આનંદ માણો.