સૌ પ્રથમ એક નોનસ્ટિક કડાઈ માં ૧ વાટકી રવો લઇ તેને ૫ થી ૭ મિનિટ માટે શેકી લો. બીજી બાજુ ગાજર ને બાફવા મૂકી દો.

હવે રવો શેકાઈ ગયા બાદ તેને એક પ્લેટ માં કાઢી લો.

ત્યારબાદ પેન માં ૫ થી ૬ ચમચી તેલ લો. તેમાં રાઈ, જીરું અને હિંગ ઉમેરો. ત્યારબાદ મીઠો લીમડો અને શીંગદાણા નાખી બરાબર ફ્રાય કરી લો.

હવે તેમાં ડુંગળી, ટમેટું, અને મરચા નાખી થોડી વાર ચડવા દો. ત્યારબાદ તેમાં બાફેલુ ગાજર ઉમેરો. બધું બરાબર મિક્સ કરી ૨ મિનિટ થવા દો.

હવે તેમાં ૩ થી ૩.૫ ગ્લાસ પાણી ઉમેરો. તેમાં સ્વાદ અનુસાર મીઠું, કિસમિસ અને ચીલી ફ્લૅક્સ ઉમેરો. હવે બરાબર હલાવી ૫ મિનિટ માટે પાણી ઉકાળવા દો.

પાણી ઉકળી ગયા બાદ તેમાં ધીમે ધીમે સેકેલો રવો ઉમેરતા જાવ, સાથે હલાવતા રહેવું. (ધ્યાન રાખવું કે વચ્ચે ગાંઠા નો રહે એ રીતે.)