પાણી બનાવવા :- સૌથી પહેલા ફુદીના, કોથમીર તથા લીલા મરચાંને ધોઈ, ચુંટી લેવા. પછી સમારીને ૧ કપ પાણી લઈ મિક્ષરમાં ક્રશ કરી લેવા. પછી તેને ગરણીથી ગાળી લેવું.

હવે રગડો બનાવવા માટે :- પલાળેલા લીલા વટાણા તથા બટાકાને કૂકરમાં બાફી લેવા. પછી ગેસ ચાલુ કરી તેના પર એક તાવડીમાં તેલ લેવું. તેલ ગરમ થાય એટલે તેમાં હીંગ, રાઈ, લાલ મરચું, હળદર, ધાણાજીરૂ નાખી હલાવી લેવું. પછી તેમાં લીલા વટાણા તથા બાફેલા બટાકા સમારીને નાખવા. ૧ કપ પાણી અને જરૂરીયાત મુજબ મીઠું નાખી ઉકાળવું.

ખજૂરની ચટણી બનાવવા :- ખજૂર, ટામેટા તથા ગોળને કૂકરમાં પાણી લઈ બાફી લેવા. પછી ઠંડું થાય એટલે તેને મિક્ષરમાં થોડું પાણી લઈ ક્રશ કરી લેવું. પછી ગરણીથી ગાળી લેવું. હવે તેમાં ૧/૨ ટી સ્પૂન લાલ મરચુ, ૧ ટી સ્પૂન ધાણાજીરૂ તથા સ્વાદ મુજબ મીઠું નાખી હલાવી લેવું.

કોરા મસાલા માટે :- ગેસ ધીમી આંચ પર ચાલુ કરી તાવડીમાં જીરૂ થોડું શેકવું. પછી તેમાં તજ, મરી,લવિંગ અને ધાણાજીરૂ પાઉડર નાખી થોડું સાંતળી લેવું. પછી ઠંડું થાય એટલે તેને મિક્ષરમાં ક્રશ કરી લેવું. પછી તેમાં સંચળ નાખવુ. અને સ્વાદ મુજબ મીઠું નાખી મીક્ષ કરી દેવું. એટલે કોરો મસાલો તૈયાર.

આપણી મસ્ત ટેસ્ટી પાણીપુરી તૈયાર😋😋😋☺️☺️
- તમે આ સાથે ઝીણી સેવ, મસાલા મમરી, કાંદા પણ ખાઈ શકો☺️☺️
- તમે ચપટી પૂરી, સેવ અને દહીનો ઉપયોગ કરી સેવપુરી પણ ખાઈ શકો છો😋😋☺️