હવે એક મોટી થાળીમાં ઘઉંનો લોટ લઈ, તેમાં ૨ ચમચી તેલ, દુધીનું છીણ, લાલ મરચુ, હળદર, ધાણાજીરૂ પાઉડર, ખાંડ, આદુ-મરચાની પેસ્ટ, લસણની પેસ્ટ, દહીં તથા ખાવાનો સોડા નાખી લોટ બાંધવો. (જરૂર પડે તો થોડું પાણી લેવું)

હવે ગેસ ચાલુ કરી, તેના પર મુઠીયા બનાવવાના કુકરમાં પાણી મુકી ગરમ થવા દેવું. હવે બાંધેલા લોટમાંથી લાંબા રોલ કરી મુઠીયાની થાળીમાં મુકવા તથા એ થાળીને કૂકરમાં મુકી ઢાંકણું બંધ ચઢવા દેવા. મુઠીયા ચઢી જાય એટલે ગેસ બંધ કરી દેવો. મુઠીયા ઠંડા થાય એટલે ચપ્પાથી નાના- નાના ટુકડા કરી લેવા.

હવે ગેસ ચાલુ કરી, તેના પર મોટી તાવડીમાં ૨ ચમચી તેલ લેવું. તેમાં હિંગ, રાઈ તથા તલ નાખવા, અને ગરમ થાય એટલે તેમાં ટુકડા કરેલ મુઠીયા નાખી બરાબર હલાવી મીક્ષ કરવું. પછી ગેસ બંધ કરી દેવો. અને મુઠીયા ડીશમાં પીરસવા.