प्रथम शिरासाठी लागणारे साहित्य काढून घेणे. आंब्याचा रस काढून घेणे. आंब्याची साल काढून त्याचे बारीक तुकडे करून घेणे.

आता गॅस वर कढई ठेवून त्या मध्ये 1 चमचा तूप घालून रवा छान सोनेरी रंगावर भाजून घेणे. 5-6 मिनिटे लागतात.रवा भाजत आला कि छान वास येऊ लागतो. गॅस बंद करून तो रवा एका प्लेट मध्ये काढून घेणे.

आता आंब्याचा रस मिक्सर पॉट मधून फिरवून घेणे. आता त्याच कढई मध्ये 2 चमचे तूप घालावे. व काजू बदाम सोनेरी रंगावर परतून घेणे. ते वाटीत काढून घेणे. व त्या मध्ये आंब्याचे बारीक केलेले काप घालावेत. थोडे काप काढून ठेवावेत.2 मिनिटे तुपात परतून त्या मध्ये आंब्याचा रस घालून 1 मिनिट हलवून घेणे.

आता या मध्ये भाजलेला रवा घालून हलवून घेणे. आता त्या मध्ये गरम केलेले पाणी घालावे. व झाकण ठेवून 5 मिनिट वाफ आणावी.आता त्या मध्ये आपल्या आवडीनुसार साखर, ड्रायफ्रूट, वेलची पूड घालून सगळे एकजीव करून घेणे. पुन्हा झाकण ठेवून 5 मिनिटे वाफ काढून घेणे.

वरून पुन्हा 1 चमचा तूप सोडावे म्हणजे शिऱ्याला स्वाद छान येतो. मस्त टेस्टी आंब्याचा शिरा खाण्यासाठी तयार आहे. गरम गरम सर्व्ह करावा.