सर्वप्रथम वांगी धुवून मध्ये चिर पाडून कापून घ्यावी. देठ कापू नये,त्याना मिठाच्या पाण्यात भिजवून घ्यावे.

आता एका कढईत शेंगदाणे भाजुन घ्यावे. थंड होऊ द्यावे साल काढून आणि नंतर शेंगदाणे,लसूण पाकळ्या,आले, इ. मिक्सर मध्ये बारीक दळून घ्यावे. पाणी घालू नये.

आता तयार मसाला थोडे मीठ घालून वांग्यात भरून घ्यावा. उरलेला. मसाल्यात पाणी घालून घ्यावें त्यात खोबरे काप, थोडा कांदा आणि एक हिरवी मिरची घालावी आणि मिक्सर मध्ये बारीक दळून घ्यावे.

आता एका कढईत तेल तापवून त्यात जीरे मोहरी हिंग चिमूटभर घालुन त्यात बारीक कापलेला कांदा घालून परतावे. नंतर त्यात उरलेला मसाला घालावा.

मसाला छान शिजू द्यावा. त्यात लाल तिखट, हळद,धने पावडर, इ.घालावे.तेल सुटले की त्यात बारीक कापलेला टोमॅटो घालून परतावे.

टोमॅटो छान मऊ शिजवून घ्यावा. आता वांगी घालून परतावे आणि त्यात थोडे मीठ घालून झाकून ठेवावे. मंद आचेवर 8 ते 10मि.शिजू द्यावे.