कांदा, बटाटा, टोमॅटो, कोथिंबीर कापून घ्यावे. डाळ आणि तांदूळ स्वच्छ धुऊन घ्यावे. आणि दहा ते पंधरा मिनिटे भिजत घालावे.

कुकर मध्ये तेल गरम करायला ठेवावे. तेल गरम झाले की मोहरी जीरे, हिंग,कढीपत्ता कांदा, शेंगदाणे,आलं लसूणाची पेस्ट, बटाटा घालून मिक्स करून घ्यावे. नंतर हळद, तिखट धने पावडर, गरम मसाला, खोबरं घालून मिक्स करून घ्यावे. त्यानंतर टोमॅटो घालावा.

मसाल्यामध्ये डाळ-तांदूळ पाच ते सात मिनिटे भाजून घ्यावे आणि प्रमाणात मीठ घालून मिक्स करून घ्यावे. तांदळाच्या दुप्पट पाणी घालून कुकरच्या तीन सुट्ट्या काढून घ्याव्यात. कुकर थंड झाल्यानंतर वरून कोथिंबीर घालून खिचडी मिक्स करून घ्यावी.