સૌ પ્રથમ ગલકા ને ધોઈ ને છાલ ઉતારી મોટા ટુકડા કરી તેની વચ્ચે એક કાપો કરી લો.

હવે એક બાઉલમાં ખાટું દહીં, ધાણા જીરું પાઉડર, કાશ્મીરી લાલ મરચું પાઉડર, હળદર પાઉડર, કસૂરી મેથી પાઉડર અને મીઠું ઉમેરી બરાબર મિક્સ કરી તેમાં તેલ ઉમેરી મિક્સ કરી આમાં ગલકા ના ટુકડા ઉમેરી બરાબર મિક્સ કરી લો. ને આ ગલકા ને 1 કલાક માટે મેરીનેટ માટે ઢાંકણ ઢાંકી ને બાજુ પર મૂકી રાખો.

હવે આ શાક નો વઘાર કરીશું. એની માટે એક પેન માં તેલ ગરમ કરી તેમાં રાઈ અને જીરું ઉમેરી ને તે ફૂટે એટલે તેમાં હિંગ ઉમેરી સાંતળી લો. હવે આમાં આદુ લસણ ની પેસ્ટ અને જીની સમારેલી ડુંગળી ઉમેરી ધીમા ગેસ ની આંચ પર ડુંગળી નો કલર બદલાય ત્યાં સુધી સાંતળી લો.

હવે આમાં મીઠું, હળદર પાઉડર, કાશ્મીરી લાલ મરચું પાઉડર, તીખું લાલ મરચું પાઉડર, ધાણા જીરું પાઉડર અને ગરમ મસાલો ઉમેરી બરાબર મિક્સ કરી થોડી વાર માટે સાંતળી લો. હવે તેમાં જીણું સમારેલું ટામેટું ઉમેરી તેલ છૂટું પડે ત્યાં સુઘી ગેસ ની ધીમી આંચ પર સાંતળી લો.

ત્યાર બાદ આમાં મેરિનેટ કરેલા ગલકા ઉમેરી મિક્સ કરી લો. ને પેન ઉપર પાણી ભરેલી પ્લેટ ઢાંકીને ગલકા ને 5 થી 7 મિનિટ માટે ચઢવા દો.

ત્યાર બાદ આમાં ગોળ ઉમેરી ફરીથી 5 મિનિટ માટે ઢાંકી ને કૂક કરી લો. હવે ગેસ ની આંચ બંધ કરી લીલી કોથમીર ના પાન ઉમેરી મિક્સ કરી લો.

હવે આપણું એકદમ ચટાકેદાર કાઠિયાવાડી ગલકા સેવનું શાક તૈયાર છે સર્વ કરવા માટે. આ શાક ને લીલી કોથમીર ના પાન ઉમેરી ગાર્નિશ કરો. ને ઉપરથી બેસન ની જીની સેવ ઉમેરી સર્વ કરો. (આ શાક ને સર્વ કરવા ના સમયે જ સેવ ઉમેરવી)