સૌ પ્રથમ દૂધી ધોઈ છોલી ને નાના ટુકડા કરી લો.તેને મિક્સર માં ક્રશ કરી પેસ્ટ બનાવી લો...

હવે એક બાઉલ માં સોજી,રવો લઈ તેમાં વાટેલા આદુ મરચાં, દહીં, મીઠું અને દૂધી ની પેસ્ટ ઉમેરી બરાબર હલાવી લો જરૂર મુજબ પાણી ઉમેરી ખીરું તૈયાર કરો તેને ૧૦ મિનિટ માટે રહેવા દો.

સ્ટીમર માં પાણી લઈ ગરમ કરવા મુકો તેલ થી ગ્રીસ કરી થાળી ને સ્ટીમર માં ગરમ કરવા મુકો.પછી ઢોકળા ના ખીરા માં ઈનો ઉમેરી હલાવી તેને ઢોકળિયા માં મુકેલી થાળી માં પાથરી ને ઢાંકી ને ૧૦ મિનિટ માટે સ્ટીમ કરો.પછી ગેસ બંધ કરી ઢોકળા ની થાળી બહાર કાઢી લો.

એક વઘારીયા માં તેલ લઈ ગરમ કરવા મુકો ગરમ થાય એટલે તેમાં રાઈ, ઉમેરો તતડે એટલે, તલ, હીંગ ઉમેરી વઘાર ને તૈયાર ઢોકળા ની થાળી માં રેડી દો.

થોડું ઠંડુ પડે પછી કાપા પાડી લો ઉપર સમારેલા લીલા ધાણા થી ગાર્નિશ કરો.