સૌ.પહેલાં દૂધી ને પાણી થી ધોઈ તેને ખમણી લેવી. એક મોટા બાઉલ માં રવો,ખમણેલી દૂધી અને ખાટુ દહીં નાખી બરોબર હલાવી દસ મિનિટ ઢાંકીને રાખવુ. દૂધી માથી પાણી છુટુ પડે એટલે તેમા જરૂર મુજબ પાણી ઉમેરી ખીરું તૈયાર કરો. તેમા આદુ-મરચા ની પેસ્ટ,મીઠું નાખી 1/2 કલાક ઢાંકી રાખો.

હવે એક કડાઈ મા પાણી ઉમેરી ગરમ કરવા મૂકો.ખીરા મા મીઠું સમારેલી કોથમીર,હિગ,એક ચમચી ઈંનો અને તેલ નાખી બરોબર મિક્ષ કરવુ.થાળી મા તેલ લગાવી તેમાં ખીરું નાખી ઉપર થી લાલ મરચું ફરતું નાખી ઢોકળા ની થાળી ઉતારી લેવી. એજ પ્રમાણે બીજી થાળી માં ખીરું નાખી ઉપર મરી પાઉડર નાખી ઢોકળા ની થાળી ઉતારી લેવી.

ઢોકળા ની થાળીને એકદમ ઠંડુ પડવા દેવું. પછી તેના ટુકડા કરી લેવા. લીલી ચટણી/સોસ સાથે સર્વ કરો.