प्रथम रेड सॉस तयार करण्यासाठी उकडलेले टोमॅटो साल काढून मिक्सर मध्ये वाटून घ्यावे.नंतर एक पॅन घेऊन त्यामध्ये बारीक चिरलेला लसूण परतून घ्यावा.नंतर त्यात कांदा परतावा, नंतर टोमॅटो पेस्ट टाकावे.त्यामध्ये लाल तिखट,ओरेगॅनो,चिली फ्लेक्स आणि चवी नुसार मीठ टाकावे आणि सॉस थोडा वेळ शिजू द्यावा.

आता व्हाईट सॉस तयार करण्यासाठी एका पॅनमध्ये बटर घेऊन त्यामध्ये मैदा टाकावा. तो चांगला परतून घ्यावा नंतर ओरेगॅनो,चवीनुसार मीठ आणि दूध घालून एक उकळी आणून द्यावे व्हाईट सॉस रेडी.

एका पॅनमध्ये बटर टाकून त्यामध्ये बारीक चिरलेला लसूण टाकावा तो चांगला परतून घ्यावा. नंतर उकडलेल्या मक्याचे दाणे टाकावे नंतर सिमला मिरची आणि उकडलेले वाटाणे टाकावे आणि हे परतून घ्यावे.(तुम्हाला अजून काही भाज्या आवडत असतील तर तुम्ही ऍड करू शकता) नंतर ओरेगॅनो,चिली फ्लेक्स आणि चवीनुसार मीठ घालावे आणि भाजी व्यवस्थित परतून तयार करावे.

दोन्ही साॅस रेडी झाल्यावर केकचे टिन घेऊन त्याला बटर लावावे त्यावर रेड सॉस टाकावा. नंतर व्हाईट सॉस लावा,नंतर ब्रेड ठेवावे,नंतर परत दोन्ही सॉस लावून घ्यावे.नंतर त्यावर तयार भाजी पसरवून घ्यावे, नंतर चीज पसरवून घ्या पुन्हा एक ब्रेडची लेअर द्यावी.पुन्हा दोन्ही सॉस लावून घ्यावे त्यावर थोडी भाजी आणि चीज पसरवून घ्यावे.

आता ही तयार प्लेट ओव्हन मध्ये 180 डिग्री ला पंधरा ते वीस मिनिट बेक करून घ्यावे.बेकिंग नंतर तयार लजानिया सर्व्ह करावा.