મૈસુર મસાલા ઢોસા (Mysore Masala Dosa Recipe In Gujarati)

બાફેલા બટેટાને મેશ કરી લેવા ડુંગળી, ટામેટા લીલું મરચું, કેપ્સીકમ ને ઝીણા સમારી લેવા અને આદુની પેસ્ટ બનાવી લેવી.

પછી તેલ મૂકી તેલ ગરમ થાય એટલે તેમાં રાઈ જીરુ, અડદની દાળ, ચણાની દાળ, લીમડાના પાન ઉમેરી અને ડુંગળી નો વઘાર કરવો. ડુંગળીને બેથી ત્રણ મિનિટ સુધી સાંતળવા દેવી.

ડુંગળી સંતળાઈ જાય પછી તેમાં ટામેટાં, મરચા કેપ્સીકમ ઉમેરી અને બધો મસાલો કરીને મિક્સ કરી લેવું.

પછી પાણી નાખી ૩થી ૪ મિનિટ સુધી બધુ ચડી જવા દેવું પછી તેમાં મેશ કરેલા બટાકા ઉમેરી અને બધું મિક્સ કરી લેવું.

હવે ઢોસાનો મસાલો તૈયાર છે તેને કોથમીર થી ગાર્નિશ કરવું. પછી ઢોસાનું ખીરું લઇ તેમાં થોડું પાણી નાખી હલાવી લેવું અને સ્વાદ મુજબ મીઠું નાખી લેવું. પછી તેને નોન સ્ટીક તવી ગરમ થાય એટલે થોડું પાણી છાંટી કપડાથી તવીને લુઇ અને ઢોસાનું ખીરું ચમચાની મદદથી સરસ ગોળ ફેરવતા જવું અને એકદમ પતલું પાથરી લેવું.

મૈસુરી ચટણી ની બધી વસ્તુ લઈ અને મિક્સરમાં પીસી લેવી. પછી ઢોસા ઉપર બટર નાંખી અને પહેલા મૈસુરી ચટણી ઢોસા પર સ્પ્રેડ કરવી.પછી બધો મસાલો નાખીને સ્પ્રેડ કરી દેવો. નીચેથી ઢોસો સરસ ગોલ્ડન બ્રાઉન થઈ જાય પછી તેને વાડી અને ઉતારી લેવો.

હવે તૈયાર છે આપણા ગરમાગરમ ક્રિસ્પી મૈસુરી મસાલા ઢોસા તેને ગરમાગરમ સંભાર સાથે સર્વ કરો.