સૌપ્રથમ એક બાઉલમાં કાબુલી ચણા ને ધોઈ ને ચાર થી પાંચ કલાક માટે પલાળી ને રાખવા. ચણા પલળી જાય એટલે તેમાં થી પાણી નિતારી લેવું.હવે ચણા ને મિકસર જારમા લઈ તેમાં સમારેલી ડુંગળી, લસણની કળી, મરચાં, જીરું, લીલા ધાણા અને ફુદીનો ઉમેરી થોડું કરકરુ પીસી લેવું.

ત્યારબાદ પીસાય જાય એટલે તેને બાઉલમાં કાઢી લેવું. હવે તેમાં હળદર, મરી પાઉડર, રવો,ચણા નો લોટ ઉમેરી મિક્સ કરી તેમાં ખાવા નો સોડા નાખી મિક્સ કરવું.

ત્યારબાદ પેનમા તેલ ગરમ કરવા મુકવું. હવે મિશ્રણ મા થી લુઆ કરી તેનો ટીકકી જેવો આકાર આપી ગેસ ની ફલેમ મીડીયમ રાખી તૈયાર કરેલા ફલાફલ બ્રાઉન અને ક્રિસ્પી થાય ત્યા સુધી તળી લેવું. પ્લેટ માં કાઢી કેચપ સાથે સર્વ કરવુ.