સૌપ્રથમ બધી સામગ્રીઓને એકઠી કરી લો. કાંદો અને કોથમીર કાપીને તૈયાર કરી લો.

હવે એક મિક્સર જારમાં પલાળેલા કાબુલી ચણા અને ઉપર જણાવેલ બધા મસાલા અને મીઠું ઉમેરીને પીસી લો. પછી મિશ્રણને એક પ્લેટમાં કાઢીને તેમાં ચપટી સોડા નાખીને બરાબર હલાવી નાખો.

હવે તેમાં એક ચમચી ચણાનો લોટ નાખીને હલાવી નાખો. પછી તેમાં તલ અને કોથમીર નાખીને ફરીથી બધું બરાબર હલાવી નાખો હવે તેમાંથી ગોળ વડા વાળી લો.

હવે વડાને ગરમ કરેલા તેલમાં બંને બાજુએથી ગોલ્ડન બ્રાઉન કલરના થાય ત્યાં સુધી તળી લો. વડાને મધ્યમથી ધીમા તાપે તળવા. જેથી તે કાચા નહીં રહે અંદરથી પણ સરસ રીતે પાકી જાય.

ફલાફલ બનીને તૈયાર છે.તેને ગરમાગરમ પીરસો. ફુદીના કોથમીરની ચટણી સાથે અથવા ટોમેટો કેચપ સાથે ખાવાની મજા આવે છે.