સૌ પ્રથમ બધી દાળ ને 2 થી 3 વાર પાણી થી ધોઈ કુકર માં મેથી દાણા, મીઠું, હળદર અને 1 ટેબલ સ્પૂન તેલ ઉમેરી 5 સીટી વગાડી બાફી લેવી.

શીંગદાણા ને અલગ થી બાફી લેવી.

હવે એક બાઉલમાં ત્રણેય લોટ અને ઢોકળી માટે ની ઉપર ની સામગ્રી મિક્સ કરી લોટ બાંધી લેવો. અને તેને 10 મિનિટ રેસ્ટ આપવો.

હવે એક કુકર માં તેલ ગરમ કરી તેમાં લવિંગ, તજ,સૂકા લાલ મરચાં, રાઈ, લીમડો અને હીંગ નો વઘાર કરી તેમાં ટામેટાં,આદુ ની પેસ્ટ, લીલા મરચાં ની પેસ્ટ અને મીઠું નાખી સાંતળો.

ટામેટાં ચડી જાય પછી તેમાં હળદર, લાલ મરચું પાઉડર, ધાણાજીરા નો પાઉડર અને મેથીયો મસાલો નાખી મિક્સ કરી લેવું. પછી તેમાં દાળ ઉમેરો સાથે તેમાં લીંબુ નો રસ, ખાંડ, ગોળ અને સ્વાદ મુજબ મીઠું ઉમેરી દાળ ને ઉકાળો.

ઢોકળી માટે નો લોટ કુણવી લેવો અને તેના એકસરખા લુઆ કરી રોટલી વણી પીસ માં કાપી લેવા.

હવે ઢોકળી ના પીસ ને ઉકળતી દાળ માં ઉમેરો સાથે 2 ટેબલ સ્પૂન તેલ ઉમેરી બરોબર મિક્સ કરી કુકર માં 2 સીટી વગાડી લેવી. અને કુકર ને ઠંડુ થાય એટલે ઢાંકણું ખોલીને સમારેલી કોથમીર નાખી બરોબર મિક્સ કરી લો.

હવે તૈયાર દાળ ઢોકળી ને સર્વિંગ પ્લેટમાં લઈ સલાડ,પાપડ અને છાશ સાથે ગરમાગરમ સર્વ કરવી.