ત્યાર બાદ એક વાસણમાં ચણાનો લોટ લઇ તેમાં બધા મસાલા નાખી અને કઠણ લોટ બાંધી લેવો. પછી તેલથી લોટને મસળી લેવો. પછી લોટના લૂઆ બનાવી તેમાંથી મોટી પતલી રોટલી બનાવી લેવી અને તેના ચોરસ પીસ કરી લેવા.

પછી એક પેનમાં તેલ મૂકી તેલ ગરમ થાય એટલે રાઈ જીરું, લીમડો, લાલ સૂકું મરચું, તજ, લવિંગ બધું નાખી અને દાળ નો વઘાર કરવો.

વઘાર થઈ જાય પછી તેમાં ટામેટુ, મરચું ઝીણું સમારી અને ઉમેરી દેવું અને બધો મસાલો કરી લેવો.

પછી દાળને દસેક મિનીટ સુધી ઉકળવા દેવી. દાળ ઉકળવા આવે એટલે તેમાં તૈયાર કરેલી ઢોકળી ધીરે ધીરે ઉમેરી દેવી જેથી ઢોકળી બધી ચોંટી ન જાય.

ઢોકળી નાખ્યા બાદ દાળને પાંચ મિનિટ સુધી ધીમા તાપે ઉકળવા દેવી તેથી ઢોકળી ચડી જાય.

હવે તૈયાર છે ગરમા ગરમ દાળ ઢોકળી. દાળ ઢોકળીને કોથમીરથી ગાર્નિશ કરી સર્વિંગ બાઉલમાં સર્વ કરવી. આ ડાળ ઢોકળી ને તમે એકલી પણ ખાઈ શકો અને રાઇસ સાથે પણ ખૂબ જ સ્વાદિષ્ટ લાગે છે.