સૌ પ્રથમ કોબી ને લાંબી અને પાતળી સમારી અને ધોઈ લો.

ત્યાર બાદ એક કડાઈ માં તેલ ગરમ કરો.હવે તેમાં રાઈ અને હિંગ નાખો. રાઈ તતડે એટલે તેમાં ધોયેલી કોબી વઘારી દો.હવે તેમાં વટાણા અને બટાકા પણ નાખી દો.ત્યાર બાદ તેમાં મીઠું નાખી ને હલાવી લો.હવે તેના પર ઢાંકણ ઢાંકી ને પાંચ - સાત મિનિટ માટે ચડવા દો.

થોડું ચડી જાય એટલે તેમાં હળદર,ધાણાજીરુ,મરચું,ખાંડ અને લીંબુ નો રસ નાખી ને બધું હલાવી લો.હવે તેમાં થી તેલ છૂટુ પડે એટલે ગેસ પરથી ઉતારી લો.

તો તૈયાર છે કોબી વટાણા નું શાક.