रात्रि झोपताना उडीद डाळ,तांदूळ व चना डाळ स्वच्छ पाण्याने धुवून रात्र भर भरपूर पाण्यात भिजवून घ्यावे. व सकाळी मिक्सर मध्ये बारीक वाटून घ्यावे.फक्त वाटताना पाण्याचा वापर शक्यतो करू नका.अगदी थोडे गरजेपुरते पाणी टाका.

कढई मध्ये तेल गरम करून घ्या. व तळ हातावर पाणी लावून त्यावर एक छोटा गोळा पिठाचा गोळा ठेवून त्यामध्ये बिळ पाडून तो गोळा दुसऱ्या हाताच्या बोटांवर ठेवून अलगद तेलात सोडा व मिडीयम आचेवर चांगले गोल्डन कलर येईपर्यंत तळून घ्या.आपले मेदू वडे तयार आहेत.

तुरीची डाळ चांगली स्वच्छ धुवून घ्या व दुधी भोपळा व शेवगा ची शेंग कापून घ्या.एका कुकर मध्ये तूर डाळ,दुधी भोपळा,अर्धा चमचा हिंग,अर्धा चमचा हळद,चिरलेले दोन कांदे व चवीनुसार मीठ टाकून तीन ते चार शिट्टी येईपर्यंत शिजवा
व दुसऱ्या बाजूला चिंच भिजत ठेवा
व टोमॅटो ची पेस्ट करून घ्या. व शेवगा वेगळा शिजवून घ्या.

यानंतर शिजवलेली डाळ टाकून चांगले मिक्स करा. व त्यामध्ये चिंचेचा कोळ,गूळ व सांभर मसाला व चवी नुसार मीठ टाकून चांगली उकळी येऊ द्या. व वरतून चिरलेली कोथिंबीर टाका. तुम्हाला आवडत असेल तर वरतून खोवलेले ओले खोबरे टाका. सांभर तयार आहे.

चटणी - चटणी बनवण्यासाठी एक वाटी पुदिना आणि कोथबिर घ्या. व त्यामध्ये दोन हिरवी मिरची,मूठभर फुटण्याची डाळ,अर्ध वाटी ओले खोबरे व तीन चार लसूण पाकळ्या व मीठ टाकून पाण्याच्या सहायाने मिक्सर मध्ये बारीक चटणी वाटून घ्या.

त्यानंतर वरतून फोडणी देण्यासाठी अर्धा पळी गरम तेलात अर्धा चमचा मोहरी,अर्धा चमचा उडीद डाळ,दोन सुकी लाल मिरची,चिमुटभर हिंग टाकून चांगले तडतडू द्या व गरम फोडणी चटणी वर सोडा.आपली हिरवी चटणी तयार आहे