બાસમતી રાઈસ ને પાણી મા ખડા મસાલા નાખી ને 80% રાંધી લેઈ તેને નિતારી લેવા. અને તરત ઠંડા કરવા રાખી દેવા. જેથી દાણો છૂટો રહે. આ પ્રોસેસ તમે વહેલી કરી લેશો તો રિઝલ્ટ સારું મળશે આ રેસિપી મા.

એક માટી ના વાસણ મા તેલ લેશું. ગરમ થાય એટલે તેમાં કાજુ સાંતળી લેવા. પછી તે કાઢી તેમાં જ લાંબી કટ કરેલી ડુંગળી ની સ્લાઈસ ને બ્રાઉન સાંતળી લો જેને બિરસ્તો કહેવાય છે. તેને બહાર કાઢીલો. હવે તેમાં જ આદુ મરચાં લસણ ની પેસ્ટ, ડુંગળી ટામેટાં ની પેસ્ટ ને સાંતળો. તેમાં બધા મસાલા કરો. મિક્સ કરી ઢાંકી થોડી વાર થવા દો. પછી પનીર ના ટુકડા અને થોડા કાજુ ઉમેરી. ફરી તેલ છૂટું પડે ત્યાં સુધી રંધો. ગ્રેવી રેડી છે.

હવે એક કડાઈ મા તેલ અને માખણ લો. તેમાં તજ, લવિંગ, ઇલાયચી, બાદિયા, તમાલપત્ર જીરું હિંગ નાખી આદુ મરચાં લસણ ની પેસ્ટ નાખો. તે સંતળાય પછી તેમાં બાફેલા વટાણા અને કેપ્સિકમ ઉમેરો. થોડી વાર સાંતળો. ત્યાર બાદ રાઈસ ઉમેરી બાકી ના મસાલા કરો. મિક્સ કરો.

હવે ગરમ મટકા મા જે ગ્રેવી બનાવેલી હતી તેના રાઈસ નું લેયર કરો. તેના પર થોડા પનીર ના ટુકડા, કાજુ, બિરસ્તો, કોથમીર નાખો. ફરી ગ્રેવી નું લેયર કરો. પછી રાઈસ નું લેયર અને તેના પર ભરપૂર ચીઝ, કોથમીર, બિરસ્તો કાજુ નાખી એકદમ ગરમ સર્વ કરો. જોડે બુંદી નું રાઇતું, સલાડ પાપડ પીરસો.