સૌપ્રથમ એક કડાઈમાં ઘી ગરમ ગરમ થઈ જાય પછી તેમાં ગુંદર તળી લો.

ગુંદર તળાઈ જાય પછી તેને એક ખાંડણીમાં અધકચરા વાટી લો. હવે ખાંડ અને પાણી ગરમ મૂકીને તેની ચાસણી તૈયાર કરો. એક તારની ચાસણી બનાવો.

હવે એ જ કડાઈમાં અડદનો લોટ ઉમેરો અને બે ચમચી ચણાનો લોટ નાખો પછી તેને હલાવી નાખો. (અડદિયા માં ચણાનો લોટ નાખવાનો ન હોય. પણ હું એ ચણાનો લોટ મેં મારી ઈચ્છા પ્રમાણે લીધો છે.)

હવે લોટને ધીમા તાપે સતત હલાવતા રહો. જયાં સુધી તેમાંથી સુગંધ આવે અને તેનો કલર બદલાય જાય ત્યાં સુધી હલાવો.

પંદરથી વીસ મિનિટ પછી લોટનો કલર બદલાઈ ગયો છે અને તેમાંથી સુગંધ પણ આવવા લાગી છે.હવે તેમાં સૂંઠ,ગંઠોડા પાઉડર અને વાટેલો ગુંદર ઉમેરો. પછી બધું બરાબર હલાવી નાખો.

હવે તેમાં પહેલાથી તૈયાર કરેલી ચાસણી નાખો. ચાસણી નાખતાની સાથે જ લોટ નો કલર બદલાઈ જશે અને તે ફુલવા લાગશે તેથી તેને જલ્દીથી બરાબર હલાવો. ચાસણી વધારે કડક થઈ ગઈ હોય તો તેમાં બેથી ત્રણ ચમચી દૂધ ઉમેરો અને ફરીથી બધું હલાવી નાખો.

હવે એક થાળીમાં ઘી લગાવીને તેમાં અડદિયા સરખી રીતે પાથરી દો. પછી તેના ઉપર કાજુ બદામની કતરણ નાખીને તેને બરાબર દબાવી દો.

હવે તેના ટુકડા કરી લો. ગરમાગરમ અડદિયા બનીને તૈયાર છે. તેને કાજુથી સજાવીને સર્વ કરો.