અડદના કરકરા લોટ ને ચાળી લઇ તેમાં દૂધ ઘી ને જરા હુંફાળું કરીને તેમા ધ્રાબો
દઈને 30 મિનિટ માટે રેસ્ટ આપો. જેથી ઘી દૂધ લોટ એકબીજા સાથે એકરસ થઈ જશે.ત્યાં સુધી માં કડાઈમાં થોડું ઘી ઉમેરીને ગુંદર તળી લો. પછી ઘ્રાબો દીધેલ લોટને ચાળી લો.

હવે ગેસ પર એજ કડાઈમાં લોટના માપનું ઘી અને ધ્રાબો દીધેલ લોટ ઉમેરી સતત હલાવતા રહો. ઘીની જરૂર લાગે તો વધુ નાંખી શકાય. જેમ જેમ લોટ શેકાશે તેમ લોટ શેકાઈ ને હળવો થશે.અને સુગંધ આવશે.

ધીમા તાપે લોટ આછો ગોલ્ડન શેકાઈ ગયા બાદ તેમાં જે પસંદ હોય એ ડ્રાય ફ્રુટ ઉમેરો. તેમાં સૂંઠ,અને તળેલો ગુંદર ઉમેરો.હવે આ બધું જ મિક્સ કરી મિશ્રણ તૈયાર કરો.

ગેસ પર એક તપેલીમાં સાકર ડૂબે એટલું પાણી ઉમેરી એક તારની ચાસણી તૈયાર કરો અને મિશ્રણમાં ચાસણી ઉમેરી ને બધું બરાબર મીકસ કરી લો.

હવે તેના અડદિયા વાળી લો.અને મિશ્રણ સૂકું લાગે તો મીશ્રણમાં 2 ચમચી સુધી ગરમ કરેલ દૂધ ઉમેરી શકાય.(લંબ ગોળ આકાર બનાવી તેને વચ્ચેથી કટ કરી લો.સાંકડો ભાગ ઉપર રહે એ રીતે પ્લેટમાં ગોઠવી તેને ઉભી આંગળીઓથી પકડી થોડું પ્રેસર આપો જેથી આંગળીની ડિઝાઇન પડીજશે.)એ રીતે બધા જ અડદિયા ની ડીઝાઇન બનાવી લો.

ટીપ્સ:-કોઈપણ વસાણું બનાવો ત્યારે હંમેશા ખડી સાકર જ વાપરવી જેથી તેમાં વપરાતા વસાણાની ગરમીનો ગુણ શરીરને નુકશાન કરી શકતો નથી.