प्रथम एका नॉनस्टिक कढईत तुप घेऊन ती गॅसवर ठेवावी, तुप गरम झाले की त्यात पनीरचे तुकडे घालून काही वेळ परतवून लालसर करून घ्यावेत नंतर त्यात मिठ, हळद आणि लाल तिखट थोडेसे भुरभुरावे आणि ते सगळीकडे लागेल असे परतवून हे पनीरचे तुकडे बाजूला काढून ठेवावेत.

पनीर परतलेल्या कढईत अथवा दुसऱ्या कढईत तेल घेऊन त्यात जिरे, काळी मिरी, लवंग, जावित्री, दालचिनी, लाल मिरच्या, तमालपत्र, दोन्ही प्रकारच्या वेलच्या आणि स्टार फुल घालून 30 ते 40 सेकंद परतवून घ्यावे.
आता यात लसुण घालून काही सेकंद परतवावे नंतर आले घालून देखील काही सेकंद परतवून घ्यावे. हे परतवले की त्यात चिरलेला कांदा सोनेरी होईपर्यंत परतवावा आणि लगेचच चिरलेला टोमॅटो घालावा.

टोमॅटो नंतर वरील मिश्रणात धने पावडर, 1 छोटा चमचा हळद, 1 छोटा चमचा लाल तिखट, जिरे पावडर, काश्मिरी पावडर घालून काही सेकंद परतवून घेणे नंतर त्यात दही घालावे आणि वरून कसुरी मेथी हातावर चुरून घालावी.(जेणेकरून तिचा छान स्वाद येईल)

आता वरील मिश्रणाला तेल सुटू लागले की मटार घालून काही सेकंद परतवावे आणि नंतर त्यात भिजवून उपसून ठेवलेला बासमती तांदूळ घालावा. बासमती तांदुळ एकसारखा मिश्रणात मिक्स झाला की त्यात पाणी घालून ढवळावे आणि चवीनुसार मिठ घालून पाण्याला उकळी फुटली की त्यात थोडासा किचन किंग मसाला (ऐच्छिक) घालून भांड्यावर झाकण ठेवून मध्यम आचेवर 10 ते 15 मिनिटे शिजण्यासाठी राईस ठेवून द्यावा.