સૌપ્રથમ એક પહોળા વાસણમાં ચોખા અને અડદ દાળ ને લો,પાણી વડે ત્રણેક વાર ધોઈ,પાણી માં પલાળીને આખી રાત કે ૭ થી ૮ કલાક માટે ઢાંકણ ઢાંકી ને રાખો.

મિક્ષચર જાર માં થોડાં પલાળીને રાખેલ દાળ- ચોખા ને સાથે થોડું થોડું પાણી ઉમેરી ને રવા જેવું વાટી લો,પછી તેમાં પલાળીને રાખેલ પૌંઆ પણ ઉમેરી ને વાટી લો...આ રીતે બધા દાળ _ચોખા ને વાટી ડબ્બામાં ખીરું ઠાલવી લો.

ખીરા માં ખાંડ અને હીંગ ઉમેરી ને સરસ ભેળવી લો ને ડબ્બાં નું ઢાંકણ ઢાંકી ને રાખો.ગરમી માં પાંચ કલાક અને ઠંડી માં સાત થી આઠ કલાક રાખો.(આ ખીરું એકદમ હળવું અને ફોરુ થઈ ગયું છે..ખીરા ને ફ્રીજમાં સાતેક દિવસ સુધી સાચવી ને રાખી શકાય છે.)

૩ નંગ તીખાં મરચાં અને આદુ ના ટૂકડા ને પીસી લો.

ઢોકળિયાં માં પાણી મુકી ઉકળવા દો, પ્લેટ ને તેલ લગાવીને તેમાં રાખો.

હવે,બે કપ ખીરા માં આદુ-મરચાં ની વાટેલ પેસ્ટ ઉમેરો ને મીઠું ઉમેરી ને હળવાં હાથે મિક્ષ કરી લો પછી તેમાં તરત જ બનાવેલ સોડા નું પાણી ઉમેરી ને સરસ હળવાં હાથે ભેળવી ને પ્લેટ માં કાઢી,ઉપર થી મરી નો દરદરો ભૂકો અને લાલ મરચું (દેખાવ માટે) છાંટી ને ઉકળતાં પાણી માં રાખી, ઢોકળિયાં નું ઢાંકણ બંધ કરીને સાત મિનિટ માટે બાફી લો.

૭ મિનિટ પછી ઈદડા ચકાસો,સરસ બફાઈ ગયાં હશે,ગેસ બંધ કરી ને પાંચ મિનિટ સિજવા દો.

પછી તેની પર બે ચમચી શીંગ તેલ લગાવીને, મનગમતા આકાર માં કાપી લો.
આ રીતે જ બાકી ના ખીરા માં થી ઈદડા બનાવી લો.

એકદમ પોચા રૂ જેવાં નરમ અને સફેદ દૂધ જેવા ને ઉપર મરી - લાલ મરચાં ની સુંદર છાંટ વાળા ઈદડા તૈયાર...

નોંધ :
જયારે ઈદડા બનાવવાં હોય ત્યારે થોડું ખીરું લઈ(બે કપ નું માપ રાખો)તેમાં (૩ નંગ લીલાં તીખાં મરચાં ને ૧\૨ ટૂકડો આદુ ની તાજી જ પેસ્ટ બનાવવી ઉમેરવી.

ઈદડા જયારે ઢોકળિયાં માં બાફવા રાખો ત્યારે જ નાની વાટકી માં બે ચપટી ટાટા સોડા ને ત્રણેક ચમચી પાણી ઉમેરી ઓગાળી ને પછી જ ખીરા માં ઉમેરો, ને હળવાં હાથે મિક્ષ કરવું ને તરત જ બફાવા રાખો.

ઈદડા માં ફકત થાળી પર મરી નો દરદરો ભૂકો જ ભભરાવીને બાફે છે...પણ મેં લાલ મરચું પણ ભભરાવ્યું છે...દેખાવ માટે...શેકેલા જીરાનો પાઉડર પણ સરસ સ્વાદ મા લાગે છે.

હીંગ, ખાંડ ઉમેરી ખીરું વાટી આથો લાવી ને ડબ્બામાં ભરી ને સાતેક દિવસ સુધી ફ્રીજમાં સાચવી શકાય.જયારે ઈદડા નું મન થાય ત્યારે જોઈતું ખીરું લઈ,બાકી નું પાછું ફ્રીજ માં મૂકી દો...ખીરા ને ઓરડા ના તાપમાને લાવી,ઉપર ની રીતે ઈદડા બનાવો.

ઈદડા ને સરખું તેલ,રાઈ, જીરું, લીલાં મરચાં, હીંગ અને તલ નો વઘાર કરી ને પણ ખાઈ શકાય.