સૌ પ્રથમ પીળા ઢોકળા માટે પલાળેલા ચોખા તેમજ ચણાદાળ ને મિક્સર જારમાં અલગ અલગ પિસી લેવા...જરૂર પૂરતું જ પાણી ઉમેરવું...એક મોટા વાસણમાં બંને મિક્સ કરી ખાટું દહીં ઉમેરીને ફિટ ઢાંકણ ઢાંકી ને ગરમી વાળી જગ્યા એ આથો લાવવા મૂકી દો.

હવે સફેદ ઢોકળા માટે પણ આ રીતેજ ચોખા અને અડદ દાળ ને પીસીને ખીરું તૈયાર કરવું પરંતુ ઇદડા માં ખટાશ નથી હોતી એટલે તેમાં દહીં ઉમેરવાનું નથી..ઉપર મુજબ ઢાંકણ ઢાંકીને બીજા વાસણમાં આથો આવે તે માટે ગરમ જગ્યાએ રાખો.

ચારથી પાંચ કલાક માં આથો આવી જાય એટલે પીળા ઢોકળા ના ખીરામાં આદુ મરચાની પેસ્ટ, હળદર અને મીઠું ઉમેરો...જરૂર મુજબ પાણી ઉમેરી તેલનું મોણઉમેરો....સ્ટીમરમાં અથવા ઢોકળિયા માં પાણી ગરમ કરવા મુકો.

સ્ટીમર નું પાણી ગરમ થાય એટલે થાળી તેલ થી ગ્રીસ કરીને પીળા ઢોકળાના ખીરામાં ઈનો અથવા કુકિંગ સોડા એક થાળીમાં 1/2 ચમચી ના માપથી ઉમેરી એકજ દિશામાં ફેટીને થાળી પર ખીરું રેડી મરચું સ્પ્રીંકલ કરી ઢોકળા સ્ટીમ કરી લો...આ પ્રમાણે પીળા ઢોકળા ની બધી થાળી ઉતારી લો.

એ જ રીતે ઈદડા ના સફેદ ખીરામાં મીઠું, મોણનું તેલ તેમજ ઈનો ઉમેરી દો. એક એક થાળી ના માપ નું અલગ ખીરું લઈ એક જ દિશામાં ફેટીને બધા ઈદડા સ્ટીમ કરી લો.

હવે પીળા ઢોકળા અને સફેદ ઢોકળા (ઈદડા) બનીને તૈયાર થઈ ગયા છે.ઓથેન્ટિક રીતે તેલ અને લસણ ની ચટણી સાથે પીરસાય છે...તો શીંગતેલ...લસણની ચટણી તેમજ કોથમીર કેરીની ચટણી સાથે ગરમા ગરમ ઢોકળા સર્વ કરો.