સૌ પ્રથમ ચોખા અને દાળ ને 3-4 વાર પાણી થી ધોઈ 8-10 કલાક પલાડી દેવી.

પલડેલા દાળ ચોખા માંથી વધારાનું પાણી કાઢી લેવું. પૌંઆ ને ધોઈ ને નીતારી લેવા. હવે દાળ-ચોખા-પૌંઆ ને મિકસર જાર માં નાખી વાટી લેવું.

હવે તેમાં ખાંડ અને હીંગ ઉમેરી 4-5 મિનિટ ફીણી ઢાંકણું ઢાંકી 7-8 કલાક આથો લાવવા મુકી રાખો.

આથો આવી જાય એટલે એક વાર બરોબર મિક્સ કરી લેવું. 1 ટેબલ સ્પૂન મરી ને અધકચરા વાટી લેવા.

હવે એક બાઉલમાં 2 કપ ખીરું લઈ તેમાં આદુ-મરચાં ની પેસ્ટ, મીઠું અને 2 ચપટી બેકીંગ સોડા ઉમેરી બરોબર મિક્સ કરી લો.

હવે ગરમ કરવા મુકેલી ડીશ તેલ થી ગ્રીસ કરી તેમાં ખીરૂ પાથરી ઉપર મરી ભભરાવીને 8-10 મિનિટ માટે તેજ આંચ પર સ્ટીમ કરી લેવા.

પછી તેના ઉપર 1 ટેબલ સ્પૂન તેલ લગાવીને કટ કરી ગ્રીન ચટણી સાથે સર્વ કરવા.