દાળ-ચોખા-મેથી દાણા ને બરાબર ધોઈ ૭-૮ કલાક કે આખી રાત માટે પલાળી દો. સવારે દહીં નાંખી પીસી લો.

૬-૭ કલાક ઢાંકીને ગરમ જગ્યા પર મૂકી દો જેથી આથો આવી જાય. પછી આદુ-મરચા ક્રશ કરી ખીરામાં નાંખી દો. પછી મીઠું, ખાંડ, તેલ નાંખી બરાબર મિક્સ કરો.

હવે સ્ટીમરમાં પાણી ઉકળે એટલે થાળી તેલ વડે ગ્રીસ કરી મૂકો. ખીરામાં સોડા નાંખી એક દિશામાં હલાવી ખીરું થાળીમાં પાથરી ઉપર લાલ મરચું પાઉડર ભભરાવી ઢાંકીને થવા દો.

૧૫ મિનિટ પછી છરીથી ચેક કરો. ઢોકળા થઈ ગયા છે તો થાળીને બહાર કાઢી ઠંડી થવા દો. ઉપર તેલ વાળું બ્રશ ફેરવો જેથી ડ્રાય ન થઈ જાય. પછી મનગમતી સાઈઝમાં કટ કરી લો.

આ ઢોકળામાં વઘાર કરી શકાય પણ મેં અહી કોથમીર ભભરાવી ગરમાગરમ ઈદડા સર્વ કર્યા છે.