સૌપ્રથમ ઘઉંના લોટમાં ગરમ ઘી નું મુઠ્ઠી પડતું મોણ નાખી બરાબર મિક્સ કરવો ત્યારબાદ નવશેકું પાણી થોડું થોડું ઉમેરી ભાખરી જેવો કઠણ લોટ તૈયાર કરી તેના મુઠીયા વાળી લેવા આ રીતે બધા જ મુઠીયા તૈયાર કરી લેવા.

હવે એક કડાઈમાં તેલ ગરમ મૂકી તેમાં બધા જ મુઠીયાને ગોલ્ડન બ્રાઉન તળી અને રૂમ ટેમ્પરેચર પર ઠરવા દેવા ત્યારબાદ બધા જ મુઠીયાનો હાથેથી અધકચરો ભૂકો કરી મિક્સર જારમાં પલ્સ પર થોડું થોડું ફેરવી લેવા અને ચોખા ના ચાઇણા ની મદદથી દળ તૈયાર કરી લેવું

હવે ફરીથી એક કડાઈમાં ત્રણ ચાર ચમચા ઘી ગરમ કરી ગેસ ધીમા તાપે રાખી તેમાં ગોળને ઓગાળી લેવો. ધ્યાન રાખવું કે પાયો કડક ન થાય એ દરમિયાન દળવા ઈલાયચી પાઉડર અને કિસમિસ નાખી તૈયાર રાખવું

ગોળ ઓગળે એટલે તરત જ તૈયાર કરેલા દળમાં ઉમેરી તેને બરાબર મિક્સ કરી લો. ત્યારબાદ તેના લાડુ વાળી ઉપરથી ખસખસ લગાવી તેને થાળીમાં ગોઠવીને ઠરવા દો.