સૌ પ્રથમ છોલે ચણા ને સાફ કરી 6 થી 8 કલાક પાણી માં પલાળી રાખવા ત્યાર પછી તેમાં ટી બેગ,તજ,ઈલાયચી અને મીઠું ઉમેરી કૂકર માં 4 સિટી લેવી

હવે એક બાઉલ માં મેંદો,સોજી અને દહીં ઉમેરો

હવે તેમાં મીઠું,બૂરું ખાંડ,તેલ અને બેકિંગ પાઉડર ઉમેરી અને મિક્સ કરવું પછી થોડું થોડું પાણી લઈ નરમ કણક તૈયાર કરી 1 કલાક ઢાંકી રાખો

હવે તમાલ પત્ર,લાલ સુકા મરચા, સાબૂત ધાણા અને કાજુ ને એક પ્લેટ માં કાઢી લેવા પછી એક કડાઈ માં તેલ ગરમ કરવું તેમાં જીરું ઉમેરો

હવે તેમાં ડીશ માં કાઢેલા મસાલા ઉમેરો અને આદુ લસણ ની પેસ્ટ ઉમેરી એક મિનિટ સાંતળો હવે તેમાં ટામેટા અને મીઠું ઉમેરી મિક્સ કરી 1 મિનિટ સાંતળવું અને એક બાઉલ માં કાઢી લેવું પછી ઠંડુ થાય એટલે મિક્ષી માં પીસી પેસ્ટ બનાવી લેવી

હવે ડુંગળી ને કટર માં કટ કરી લેવી પછી એક કડાઈ માં તેલ ગરમ કરવું તેમાં જીરું ઉમેરો

હવે તેમાં ડુંગળી અને મીઠું ઉમેરી સાંતળવું પછી ટામેટા ની જે પેસ્ટ બનાવી હતી તે ઉમેરવી

હવે ટામેટા ની પેસ્ટ બરાબર થઈ જાય અને તેલ છૂટું પડે ત્યારે તેમાં બાફેલા છોલે અને થોડું પાણી ઉમેરવું અને મિક્સ કરવા હવે તેમાં મીઠું,લાલ મરચું પાઉડર,ગરમ મસાલો અને છોલે મસાલો ઉમેરી મિક્સ કરી એક મિનિટ ઉકળવા દેવા પછી તેમાં કોથમીર ઉમેરી મિક્સ કરવું હવે આપડા છોલે રેડી થઈ ગયા

હવે ભટુરે ની કણક ને થોડું તેલ લઇ મસળી લેવું અને લુવા કરી ભટુરે વણી લેવા

હવે એક કડાઈમાં તેલ ગરમ કરી તેમાં ભટુરે ને બંને સાઈડ થી બદામી થાય ત્યાં સુધી તળવા

હવે આપણા પંજાબી છોલે ભટુરે રેડી છે સર્વ કરવા